Pop Street (已結業)

香港地寸金尺土，要建立一間餐廳可以話成本好高，所以本人一直都好支持小店，事關唔係大財團真係好難負擔起租金，亦因爲咗，同朋友周不時就會去啲小街搵食，今次就嚟到西營盤第三街，去咗阿元來了對面嘅pop street其實一開始係畀佢嘅裝修吸引咗，風格上好有自己心目中家居嘅設計，坐低之後驚喜都幾多，見到餐牌有好多唔同國家嘅嘢食，別具特色，值得一讚講番嘢食，個人認為最大驚喜喺呢個巴西黑豆飯，waiter一早同我地講多豆少飯，會令人好易飽，的確嚟到見到好多豆，仲有腸，豆同飯軟硬適中，口感唔錯，味道方面無咩味特別搶，幾種材料嘅味都包含晒小食方面想介紹胡椒蟹雲吞撻，見到個名就已經先入為主想叫，嚟到賣相吸引，蟹肉都足料，整體上手如果可以再多啲胡椒味就好喇