瑞士咖啡室 (已結業)

成日lunchtime要唸食咩都係頭都大埋, 今日輪到午餐第二熱門 – 瑞士咖啡室, 雖然成日要排隊但係又好快可以有位坐。等左一陣, 佢安排門口張好似樹幹的大檯比我地搭檯, 但我地三個人好難傾計, 所以決定再等下, 好彩個安排座位的阿哥好好人, 好快又安排到張卡位比我地原本想叫瑞士常餐, 但覺得太飽, 所以決定叫茶餐, 感覺好搞笑, lunch time但可以叫茶餐。同事叫左沙嗲牛麵，我就叫叉燒。叉燒都幾瘦，唔會太肥，不過就無咩味。個多士我覺得比澳牛／華星差好遠，首先牛油分佈得唔均勻，然後牛油本身鮮味唔係好特出，多士烘得偏軟，然後包本身甜味不足。但個omelet都幾好，因為我偏愛炒熟蛋多過 soft boiled egg，熟蛋比較香口，食得多亦唔會覺得好漏。最後杯凍奶茶就有點失望，因為佢地ｄ熱奶茶其實ok, 但凍奶茶就顯得奶味不足, 茶同奶比例一般, 而且我要少冰,但係依然超多冰!不過午餐快食好ok, 係灣仔來講算係比較出名的港式茶餐。