豪華咖啡茶廳

營業中

休息中

「豪華㗎啡茶廳」個名聽左好耐，每次係灣仔經過門前都想一試。以前得右邊的舊店，而家拓展到隔離都開左新店，坐得比較舒服，菜式冇唔同的，都係舊鋪煮完拎過來。茶餐廳必試當然係沙嗲牛肉麵（$22），我轉左丁麵，睇個樣已經覺得對辦，仲懶健康加左條菜。沙嗲醬鹹度適中，撈落丁麵度都唔會太鹹，牛肉係好腍好腍，完全不費氣力咬。之後叫左個蛋牛治（$15），烘底同價，炒蛋乾左d，鹹牛肉冇特別，算係水準以下，或者叫其他多士會好d。佢杯凍奶茶（$17）係好甜，奶味重，如果唔想咁甜記得叫佢少甜。呢度的價錢係灣仔黎講算係貼地，感覺街坊，下午茶來hea下係唔錯的。