影片
更多
2017-02-23
3578 瀏覽
問問大家，多少年沒入過大球場睇波？(女士可能會話從來未入過)於我而言，無廿年都有十五年，真係好耐。昔日讀書時，$10學生票入場，堅係抵，有時一星期睇兩日。不過，都係咸豐年代既事，現時港超聯有邊幾隊踢緊我都唔知，賀歲盃與我毫無瓜葛，外隊訪港我也提不起興趣。畢竟現在鈕開電視，就是英超西甲等頂級球賽，實在來得太方便。往日入場前後，買一隻「丹麥」的熱狗咬，幾乎是指定動作。隨著多年沒入場睇波，惠顧丹麥的頻率，也愈見稀少。是晚路經，見有幾個人排隊，我心癮又起，來回味一下。 先到櫃檯的婆婆那邊俾錢，拿著紙頭去食檔領取就是。 原來家陣既熱狗，已升價至十二個大洋，豬扒包則十八個大洋，就咁花了三十個大洋落樓。 熱暖的香腸，配點沙律醬，夾著麵包，組合簡單不過，但製作認真，至少麵包是會烘熱給你。不僅入場睇波，讀書時期，有許多餐午餐，也是學校飯堂的這類熱狗陪我渡過。 雞翼與豬扒包也是經典，今次吃後者，豬扒雖薄身，但即場炸起，金黃香脆，咬落燙口，只配些茄汁，夾個包，簡單而美味。 七月利記訪港，誰有興趣入場看看？不過，記住唔好買波，尤其是利物浦，正所謂若要生活好……
問問大家，多少年沒入過大球場睇波？(女士可能會話從來未入過)於我而言，無廿年都有十五年，真係好耐。昔日讀書時，$10學生票入場，堅係抵，有時一星期睇兩日。
不過，都係咸豐年代既事，現時港超聯有邊幾隊踢緊我都唔知，賀歲盃與我毫無瓜葛，外隊訪港我也提不起興趣。畢竟現在鈕開電視，就是英超西甲等頂級球賽，實在來得太方便。
往日入場前後，買一隻「丹麥」的熱狗咬，幾乎是指定動作。隨著多年沒入場睇波，惠顧丹麥的頻率，也愈見稀少。
是晚路經，見有幾個人排隊，我心癮又起，來回味一下。
先到櫃檯的婆婆那邊俾錢，拿著紙頭去食檔領取就是。
原來家陣既熱狗，已升價至十二個大洋，豬扒包則十八個大洋，就咁花了三十個大洋落樓。
熱暖的香腸，配點沙律醬，夾著麵包，組合簡單不過，但製作認真，至少麵包是會烘熱給你。不僅入場睇波，讀書時期，有許多餐午餐，也是學校飯堂的這類熱狗陪我渡過。
雞翼與豬扒包也是經典，今次吃後者，豬扒雖薄身，但即場炸起，金黃香脆，咬落燙口，只配些茄汁，夾個包，簡單而美味。
七月利記訪港，誰有興趣入場看看？不過，記住唔好買波，尤其是利物浦，正所謂若要生活好……
張貼
