新南苑私房菜火鍋鷄煲 (華僑商業中心) (已搬遷) 新店位置

香港人最愛打邊爐，我都唔例外！仲要係食高質嘅邊爐先滿足，一直都知道新南苑私房菜好食，對上一次食已經係幾年前，今日再黎因為想打邊爐又食埋雞煲。今次係下午時間黎，因為有優惠，非常抵食！有三個套餐選擇，我哋揀咗$169蚊海鮮餐，有海鮮拼盤+任食雞煲+ 40款免費的火鍋配料任食，飲品任飲。首先食雞煲。新南苑雞煲係我食過咁多間之中最滿意，原因係雞有雞味，好新鮮！雞肉都好滑，即使係雞胸都唔會dry!味道又好夠，仲有油炸鬼脆卜卜，所以淨係雞煲都食咗兩round!之後就到打邊爐。我哋揀咗椰子雞湯底，湯底好足料，有埋紅棗、蟲草花，養生之選。海鮮拼盤真係好驚喜，除咗海鮮好新鮮之外，仲好大隻，尤其是虎蝦，聽朋友講就算係出面就咁買都要成三十幾蚊一隻。而且蝦肉好厚實爽口，正！另外就係牛肩脊肉，好爽好滑好重牛味！至於其他火鍋配料，就正正常常。深海龍躉同埋脆鯇片有得任食真係好好，好新鮮！ 總括嚟講呢個價錢，可以食到咁多嘢真係抵到爆。