鮮果堡 (已結業)

鮮果寶由初初係康德花園細細間外賣店做到而家算幾大間餐廳,幫襯左都有十幾年,今次至第一次食寫食評比佢。合掌瓜煲豬骨雞腳湯:例湯一向係鮮果寶強項之一,石排頭路咁多間食店,佢既例湯算係最好飲!每一碗湯都有雞腳,啱我呢d鐘意吃湯渣既人。今日既湯一如以往夠火路,因為連瓜都煲到溶晒,餚左成日想唔夠火路都唔得。香芹沙葛火腩+油菜: 前者味道較清淡,我只係吃左紅蘿蔔、小粟米,味道ok但火腩有d過肥,咬左好大堆肥肉,變相少左餸食=p但食到最後,媽媽話:點解我食唔到芹菜既?? 原來係無落到.....白菜仔好細棵,但廚師都將佢一分為二,好有心機!!啫啫雞煲: 呢煲比較濃味,份量應有半隻雞,配菜仲有冬菇、菜心同肉片,而唔係一般既豬膶,有趣!! 雞炸過至煮,所以幾香口又夠味,d汁杰杰地撈飯幾好! 只係呢度飯既分量較細,女仔會夠食,但男仔就應該唔多夠lu。