純燒鳥 (已結業)

閒日嚟呢間小小居酒屋，全場都冇乜人主要係食串燒嘅，串燒要兩串起咁嗌，有啲唔方便。燒青椒仔上面有啲木魚碎，加埋一齊食口感唔錯。雞泡魚乾燒得乾身，香味十足。Wasabi雞肉串，雞肉嫩滑，wasabi都幾勁，釀菇係豬肉嚟嘅，普普通通。燒雞翼好大隻😮冇特別落咩汁汁醬醬，就咁少少鹽。鯖魚standard野粟米我覺得同平時嗰啲唔同🤔呢條特別細粒特別密，都幾甜嘅。炒菜主要係用椰菜，有少量洋蔥同菇，麻油雖然香但好似重手左啲。燒年糕一般，早啲睇左其他食評先就嗌燒飯團啦🤧感覺一般，味道唔係特別出色，嗌多jar啤酒埋單要八百😶從牆身嘅塗鴉可見此店已經有廿幾年歷史，雖然我唔知呢度有咩過人之處，但咁多年都做得住總有理由。