西貢松記車仔麵

營業中

休息中

我是好少玩手機既中坑，我download open rice 呢個apps都就係為左對呢間黑店表達我既不滿。西貢我成日入去玩，松記亦唔係第一次幫襯，廿年前佢出名，係因為即使佢開係後巷都叫幾乾淨，啲枱呀，調味料盤都唔會油立立。食過幾次，唔叫好味，價錢都唔平，叫做食得飽。最近果次，火都來埋。正常，車仔面，！一個面餅，之後要咩餸，逐樣加囉，比喻，十蚊一個面餅，豬皮，羅白，各樣七蚊，咪夾埋廿四蚊囉，全世界食車仔麵都係咁計架啦。啱唔啱先。我問牛腩幾錢，揾匀門口全個餐牌都無。我問個師奶服務員，又唔想答。之後收錢個師奶話：“五十”，(準確價錢我唔記得，因最反感係佢既手法)吓！牛腩幾...錢呀。佢話：“你而家叫一碗牛腩面加魚蛋，豬皮，羅白呀嗎。咪廿幾加廿幾囉。餐牌價錢鬼鬼鼠鼠。你牛腩貴，標明都好吖。你咁樣倒轉價錢來玩。算喇，好食就得，仲激氣，無味，(味精味除外)，無餚過，無用花椒八角焖過。可能用現成醬料來煮。無車仔麵應有既味道，仲衰過七仔。問佢攞杯水都話無。又贵，又唔好食，招呼差，坐得唔算舒服。不會再去。