The Boathouse (已結業)

事隔好多年之後再嚟呢間餐廳，食物質素同員工服務都一樣咁好。價錢亦都好合理。首先我哋叫咗個海鮮拼盤同一碟吞拿魚沙律，海鮮都非常新鮮係除咗拼盤啲蝦差少少之外其餘都好好。主菜叫左煎西冷扒同煎三文魚，食物都好新鮮味道好有層次火候亦都掌握得好好。兩個主菜亦都有sauce伴上，而兩碟嘅sauce都同主菜好夾。最後叫咗兩碟甜品，甜品亦都好味食嘅時候有感覺到廚師嘅誠意。絕對唔係求其嘅行貨。最後亦都要讚讚呢間餐廳嘅服務非常細心，每個員工亦都好有笑容。老實講近呢幾年都未去過一間餐廳嘅服務質素咁高。希望呢間餐廳嘅廚師員工都繼續加油💪🏻。繼續令客人食得開心又享受。