影片
更多
2025-02-05
0 瀏覽
好似早兩個星期嚟過，無諗住咁快又嚟。早幾日見成波有post，得知餐廳做到 2月5日結束。臨別秋波，又嚟食吓咁囉 😛唔算咩食評，係我成晚嘅心路歷程 😂一位訂枱仲要早日打黎預留食物，我真係唔多慣 😅見樓下落半閘以為未準備好，我行上西九龍望落舖頭入面係有人嘅。上到先知好爆場，大家都趁臨別嚟幫襯。由於我有訂枱好快入坐。大概7點開始，坐到 9：45先食到我預留嘅醉豬腦 😂隔離件臭貨，同一張櫈同一個椅背，佢不停咁大力大動作，其實好影響我 😂，變相我無得靠後挨，食飯遇到呢啲情況你會出聲嗎 😂😂。飲啖嘢都前後企起身3次再大力坐低 😂，真係無知覺架喎 🤦。之後有枱客入，（得我有架咋），有個人鬼殊地俾張咗印有香港（加油）嘅膠片俾我。心諗：做咩呢佢 🤷♂️。。接又唔係，唔接又唔係。戴住黃色口罩，夠晒明顯啦。我無出聲收咗就算。其實我係想靜靜地食餐飯，之前嚟一直都好地地，我甚少會揀將會結束嘅餐廳嚟食，呢個抉擇應該都無下次 🤷♂️題外話：餐廳忙足成晚，如果平時咁好生意就。。結束營運有好多原因嘅！建議留港消費，小店經營買少見少。
唔算咩食評，係我成晚嘅心路歷程 😂
一位訂枱仲要早日打黎預留食物，我真係唔多慣 😅
見樓下落半閘以為未準備好，我行上西九龍望落舖頭入面係有人嘅。上到先知好爆場，大家都趁臨別嚟幫襯。由於我有訂枱好快入坐。大概7點開始，坐到 9：45先食到我預留嘅醉豬腦 😂
隔離件臭貨，同一張櫈同一個椅背，佢不停咁大力大動作，其實好影響我 😂，變相我無得靠後挨，食飯遇到呢啲情況你會出聲嗎 😂😂。飲啖嘢都前後企起身3次再大力坐低 😂，真係無知覺架喎 🤦。之後有枱客入，（得我有架咋），有個人鬼殊地俾張咗印有香港（加油）嘅膠片俾我。心諗：做咩呢佢 🤷♂️。。接又唔係，唔接又唔係。戴住黃色口罩，夠晒明顯啦。我無出聲收咗就算。
其實我係想靜靜地食餐飯，之前嚟一直都好地地，我甚少會揀將會結束嘅餐廳嚟食，呢個抉擇應該都無下次 🤷♂️
題外話：餐廳忙足成晚，如果平時咁好生意就。。結束營運有好多原因嘅！
建議留港消費，小店經營買少見少。
張貼