巴蜀燒 (已結業)

星期六要番半日，放左工之後同同事黎到九龍城搵食，見到雜誌有講既銀針粉同事就係咁拉我入黎要試下。招牌城寨銀針粉($35)湯底真係落足料煲成既靚湯，有魷魚，冬菇，元貝，每樣都好多份量，湯味好吸收晒所有食才既味道。加上幼滑既銀針粉，真係值得一試。我地兩個仲叫左其他野試下，特別既有手既魚蛋，十分彈牙同埋鮮嫩。另外個人食完最回味既柱侯牛腩，味道入晒肉既內部，而且食落去仍然保持到肉既軟滑，並不是好多地方可以食到，問了老闆原來是用古法制成，難怪咁入味咁軟熟。