金田長壽司 (已結業)

搬左屋...好耐都無寫過食評啦,不過新環境,我又可以介紹多啲新野食比大家Lu~今日無乜胃口食野，所以想食啲清啲，唔想食咁多飯喎~所以同朋友兩個去左食日本菜，我本來都係想叫下啲刺身食嫁咋，點知見到個推介牌度有秋刀魚刺身喎，即刻order左，因為每年都要等到開始轉秋啲秋刀魚先好食嫁，果然~好肥美呀！好好味呀！不過個酸汁比得太少啦~因為我一般食秋刀都唔會落芥辣，點多啲酸汁，個魚味鮮甜啲嫁~仲叫左一板加拿大海膽，好鮮甜同好甘呀，雖然加拿大海膽貴就係貴啲，不過食開海膽嘅人我諗都應該會鍾意加拿大海膽多啲~之但係哩度嘅海膽都夠大同埋夠新鮮，咁貴幾拾蚊都ok嘅，食得放心呀嘛！之後仲有帶子刺身，好大塊呀，一開左六都仲咁厚，而且好新鮮同埋鮮甜，但都係唔及個加拿大海膽囉！最後叫埋個蔥花拖羅小卷，味道一般般啦，無咩特別，不過咁嘅份量我地兩個食到剛剛好囉，唔錯！我都幾鍾意哩間日本餐廳哩感覺嫁，唔似得有啲貴到不得了，入到去好似要扮晒野咁，去平啲果啲呢刺身選擇又少喎~而哩間裝修唔豪華，服務都唔係話好fine，但係就價錢合理而且舒服無咁拘謹，可以食得開懷啲囉！