影片
更多
2023-04-15
1084 瀏覽
經常排長龍嘅高質麵包店，湯種bagel好受歡迎，好多人推介。其他麵包其實都好正，多次encore😋。而家喺新蒲崗、九龍灣同元朗都有分店，嚟緊荃灣會開第四間分店，期待！抹茶蜜瓜包 $18/1, $32/2外層係日式蜜瓜包嘅口感，脆脆地好鬆化。中間係抹茶奶酥，抹茶味好濃郁，呢個包比享樂嘅其他抹茶野甜少少，但可接受。仲有伯爵茶味同定期新口味，希望可以試埋其他味😋特濃抹茶焦糖三角 $18用左小山園抹茶粉整嘅抹茶吐司，切成勁厚嘅三角形，都幾大個。外層係特製焦糖抹茶醬，焗成好脆嘅焦糖，入面嘅麵包鬆軟又有彈性，外脆內軟口感好好，唔會過甜，會有抹茶嘅甘味。三角吐司仲有甜蜜糖味。Scone $16/1, $28/2芝士- 必試，牛油味好香，充滿芝士咸香，整熱更好食。朱古力咖啡- 咖啡味都幾濃，唔飲咖啡嘅朋友未必啱蜜糖提子- 原味伯爵茶司康- 伯爵茶味好香, 唔會過甜湯種手工芋泥貝果 $16芋頭味唔算好濃，係正常嘅芋泥味，希望可以多啲餡。北海道芝士貝果 $16切開見到一粒粒嘅芝士，正推介指數：8/10📍 享樂烘焙新蒲崗大有街3號萬迪廣埸地下E舖九龍灣常悅道21號The Eastmark地下3號舖元朗元龍街
抹茶蜜瓜包 $18/1, $32/2
外層係日式蜜瓜包嘅口感，脆脆地好鬆化。中間係抹茶奶酥，抹茶味好濃郁，呢個包比享樂嘅其他抹茶野甜少少，但可接受。仲有伯爵茶味同定期新口味，希望可以試埋其他味😋
特濃抹茶焦糖三角 $18
用左小山園抹茶粉整嘅抹茶吐司，切成勁厚嘅三角形，都幾大個。外層係特製焦糖抹茶醬，焗成好脆嘅焦糖，入面嘅麵包鬆軟又有彈性，外脆內軟口感好好，唔會過甜，會有抹茶嘅甘味。三角吐司仲有甜蜜糖味。
Scone $16/1, $28/2
芝士- 必試，牛油味好香，充滿芝士咸香，整熱更好食。
朱古力咖啡- 咖啡味都幾濃，唔飲咖啡嘅朋友未必啱
蜜糖提子- 原味
伯爵茶司康- 伯爵茶味好香, 唔會過甜
湯種手工芋泥貝果 $16
芋頭味唔算好濃，係正常嘅芋泥味，希望可以多啲餡。
北海道芝士貝果 $16
切開見到一粒粒嘅芝士，正
推介指數：8/10
📍 享樂烘焙
新蒲崗大有街3號萬迪廣埸地下E舖
九龍灣常悅道21號The Eastmark地下3號舖
元朗元龍街9號形點I1樓1097號舖
張貼
