段純貞牛肉麵 (Tower 535) (已結業)

呢間牛肉麵係暫時我最鍾意嘅一間，已經多次回頭，今次想分享嗌佢外賣嘅經驗。搭緊車就嚟到嘅時候，用左openrice平台落定嚟order，去到就攞得，唔使等，唔錯！嗌咗一個麻辣牛肉牛筋幼麵，燉濃湯雞麵叫咗多酸菜，好鍾意食酸菜😝麻辣湯底夠晒麻辣，牛筋好大條呀！係煮到啫喱狀架！牛肉又係大大嚿，係夠晒味，夠晒林！鍾意揀佢嘅幼麵，夠哂掛湯！朋友嘅雞麵，我冇事度，不過朋友都勁讚，有機會我下次都試吓！如果唔趕時間，我會鍾意喺嗰度堂食，鍾意佢鋪頭坐得好舒服，碗麵大大碗，另外加小食，珍珠奶茶都好抵，下次再分享堂食經驗！