喜洋洋美食

營業中

休息中

呢排大部分時間都喺葵盛附近工作，為咗爭取中午睡嘅時間，就近近地去附近葵盛商場食午餐其實呢間食店都食咗好多日，再去支持嘅原因都係平靚正，食物有質素。因為我嘅午膳時間係十二點前所以唔難搵位，聽講呢度到十二點半至一點半就會好多人。我覺得最正嘅係煎肉餅飯同埋炸雞髀飯，醬汁有六款可以選擇，肉餅煎得鬆化好味，唔會太乾身，用來拌飯真係一流，炸雞髀大大隻香脆可口味道豐富，呢兩款餸都係即叫即整，熱辣辣上枱。 店內嘅員工又好有禮貌好主動 招呼客人，如果我係街坊的話一定會經常幫襯