巧得鍋 (已結業)

呢間位於觀塘工業大廈樓上舖主打食雞煲同埋烤魚嘅巧得鍋，價錢性價比高！服務態度好好，環境寬敞，有卡位提供！👍🏻青藤椒涼拌花膠🥒首先上菜前送咗個頭盤，花膠食落去好爽口，配上清新嘅青瓜絲，醬汁酸酸辣辣咁幾開胃😋牛雜雞煲(半隻) 小辣🌶️今次主菜我哋嗌咗牛雜雞煲！因為兩個人食就嗌咗半隻🤣估唔到份量比想像中多，牛雜份量都唔少，牛肚同牛腸都煮得夠腍，好入味😋而雞件都啖啖肉，肉質都幾滑。好建議食得辣嘅朋友可以直接嗌中辣，會更加惹味！安格斯牛頸脊🥩食完雞煲後加咗湯淥牛肉片。每片都好大塊！油脂分布平均，肉質好嫩。點埋辣椒豉油，正！😍百花油炸鬼見到呢個小食好多人推介，食落去真係有驚喜！油炸鬼包住蝦滑😗配有草莓醬俾你點醬🍓估唔到好似好奇怪嘅組合，食落去又幾夾！餐廳都提供唔同嘅特飲，同埋冷泡茶！今次就試咗青蘋果冷泡茶，酸酸地好清新。🍏