保家山 (已結業)

觀塘工廈出名多美食，在app search到保家山呢間漢堡店，就同朋友黎試下。地點在駱駝漆三期，一出𨋢口就見到，完全唔難搵😊雖然對面店裝緊修沙塵滾滾，但保家山店內環境幾好，乾淨又夠冷氣。除左漢堡，仲有意粉🍝、意大利飯等，而漢堡都有多款口味。🍔“傳統”手工和牛漢堡 + 🍟芝士汁薯條 & 🍔“芫茜”手工和牛漢堡 + 🍟麻辣薯條🍔傳統就係好大眾嘅口味，漢堡扒夾生菜、蕃茄、洋蔥，醬汁似千島醬與沙律醬之間嘅味道，塊漢堡扒勁多肉汁好正。🍟芝士薯條又係勁正，個芝士汁好濃，好有芝味。🍔芫茜漢堡好多芫茜呀😍正，好香好新鮮嘅芫茜，塊漢堡扒同樣相當有肉汁，香口鮮味👍🍟麻辣薯條堅辣喎，哈哈，第一次食辣嘅薯條，好得意，食到尾個口真係麻左。🥤烏龍茶&無糖蜜桃茶跟餐送汽水，可以加錢轉無糖茶👍個漢堡真係好好食，下次試第二個味先。