古味坊 (已結業)

每次經過元朗呢條街都聞到好香嘅蛋糕味，今次終於的起心肝買嚟食。今日新鮮出爐咗伯爵茶口味，原條$80，擔心食唔晒嘅都可以選擇買一半，呢間店舖仲有好多其他唔同口味添！伯爵茶蛋糕，職員會幫你切埋件，食落口感濕潤，唔會乾爭爭，另外味道唔會太甜，食完唔會覺得好膩。伯爵茶味幾出，隱約會食到少少茶葉碎，個人幾鐘意，感覺真材實料！買嘅時候見到有街坊經過讚老闆娘啲蛋糕好好食，老闆娘都好好，最後送咗件切件蛋糕俾佢添！雖然店舖細細，但除咗古早蛋糕外，其實仲有少量唔同口味嘅涼粉同甜品添！