越粵棧

營業中

休息中

今日都叫咗幾多樣嘢，難得樣樣味道都唔錯，咁多樣之中最好食嘅我認為係呢個煎雜魚。煎得好香好脆，真係差唔多連骨都可以食埋。炆蓮藕片都好食，蓮藕好爽。滾豆腐魚頭湯啲魚頭好新鮮魚雲好好食，啖湯好鮮甜。呢個煎藕餅唔好畀佢個賣相呃到，其實味道好好。豉椒炒蜆就普普通通，收貨啦。花雕魚露雞就麻麻地，可能叫返佢十大招牌菜嘅炸子雞會更加理想。最後一味喺佢哋呢度十大招牌菜入面嘅金蒜大蝦木桶飯，呢個真係好食，啲飯吸曬啲蝦嘅味好正。