牛一 (元朗廣場) (已結業)

雖然天氣熱到咩都唔想食，但係心裡好想打邊爐，於是就去左元朗既牛一到滿足自己既慾望啦！原來呢間牛一係新開既，裡面既裝潢都唔錯而且仲好舒適添....我地就點左昆布清湯同埋澳洲和牛既任食...一上枱既和牛賣相十分之吸引，色澤紅潤而且脂肪分佈平均；豚肉都十分新鮮。除左牛豬肉可以任食之外，出而都有唔同種類既配料可以揀：蔬菜除左生菜、娃娃菜同油麥菜等等之外仲有紅莧菜同埋超級食物既羽衣甘藍添。終於食得啦，和牛食落好新鮮而且味道濃郁鮮甜，真係好值得試！豚肉爽口鮮甜，食落去一啲腥味都冇，味道濃郁....真係令我不停咁安哥。呢到既丸類都好多種類，例如有我最愛既墨汁墨魚丸，麻辣丸，貢丸.....每種都各有特色而且仲好彈牙好好味！食完仲有乳酪雪糕同埋牛奶雪糕食.....仲有其他配料可以添加...芒果乳酪雪糕味道好正而且芒果味好濃郁....為呢餐火鍋畫上完美既句號！