愛上米線 (波斯富街) (已結業)

近排見到有間米線喺旺區開咗好多分店，黑白型格嘅簡約裝修 。餐牌設計有心思，印有米線分析會推介你適合咩類米線，似係媒人配對咁。同埋餐廳已更換全新餐牌，新增咗魚腐，黃沙雞翼等多款小食，另外仲新增數款口味嘅米線同車仔麵落單模式嘅米線,食物以海鹽調味，亦唔會太重口味。食米線都可以不平凡。👍🔎酸菜湯米線套餐$57 符合本地口味嘅米線，唔會過辣，鯇魚片有約五片，無骨完全唔腥，米線軟硬適中，吸收埋微酸嘅湯底。湯底唔會重口味，可以飲下。堂食仲可以任加飯或米線，見到隔離叫飯餐，係用咗珍珠米。附送飲料，可以揀台式飲品，其他餐廳通常要轉配/加配。👍套餐幾抵食。🔎冬瓜茶甜度固定，帶少少甜，夠晒清新。🔎奶黃金沙脆雞翼$32有三大隻，熱辣辣，每隻都沾滿蛋黃香，外皮香脆，內裏嫩滑，食得好惹味。🔎惹味流心芥末恐龍蛋 $32超有創意，恐龍蛋係由魚腐魚肉整出黎，雖然無丸類咁彈牙，但係魚肉幾足料，餐牌寫咗係以九比一黃金比例，古法自家製。 流心芥末幾有後勁。