磨飯

營業中

休息中

每次路過巷仔見到細鋪都會有想試既衝動，而呢一間係每次都想食但冇機會食。今日同同事放飯提議試下食呢間，叫左2款肉燥飯（鹽酥雞肉燥飯&海苔多春魚肉燥飯）同2條玉子將軍（蟹柳同芝士腸）。飲品都好多選擇，有豆漿有茶，今次就叫左汽泡水，職員話係會定期轉口味。我盒肉燥飯叫左加辣，幾惹味。炸野同個飯分開放，唔會影響口感，仲有個醬配埋。多春魚好夠味，又夠酥脆。鹽酥雞細細粒，一啖一粒，但略嫌有少少乾。玉子將軍冇得頂，勁好食，除左個醬仲有肉鬆係面。👍🏻👍🏻汽泡水今次係西柚味，酸酸甜甜勁開胃。本身以為細細盒會唔夠飽，點知飽到飯都食唔晒😂。