影片
更多
2023-05-08
1074 瀏覽
💁♀️💁♂️ 4/5/2023(Thu), Dinner🍽每隔一陣子，為食妙妙同A先生既打邊爐🍲癮又會起，又會想去烚吓烚吓。今晚佢地就嚟到大圍既十二少海鮮刺身牛肉火鍋專門店火鍋🍲晚餐，止一止癮。落單之後店員會送上調味料盤，調味料有一般既蔥花、辣椒🌶️粒、蒜蓉之外，仲有炸紅蔥頭絲，呢個強烈推薦要加落去，因為食落真係好香紅蔥頭既味道。而今晚我地order咗：🔆 下火芫荽🌿皮蛋鍋（$98）作為芫荽控既為食妙妙選擇咗呢一款湯底，材料除咗大量既芫荽🌿、皮蛋之外，仲有馬蹄、紅蘿蔔🥕同粟米🌽，夠晒清熱下火。先試一啖湯底，芫荽🌿味都幾濃再加上馬蹄、紅蘿蔔🥕同粟米🌽既清甜，用嚟打邊爐🍲唔怕熱氣。🔆 手打三寶丸（$98）包括有鯪魚球、蝦🦐丸同埋墨魚🦑丸，全部都係餐廳自己手打既。鯪魚球加咗蝦米入去，食落香口；蝦丸彈牙有蝦味；墨魚丸同樣彈牙好食。🔆 極品雪花箱降牛（$218）牛肉既油脂分佈平均，輕灼十秒左右，入口肉質軟腍，油香豐富，肉味唔算好濃不過雪花牛就係要食佢腍滑既質感。🔆 脆鯇骨腩（$68）入口新鮮，配皮蛋芫荽湯底真係好夾，灼過之後肉質爽脆，即使厚切都唔會覺得魚肉死實。🔆 牛脷芯（$78）比一般牛脷厚切，
💁♀️💁♂️ 4/5/2023(Thu), Dinner🍽
每隔一陣子，為食妙妙同A先生既打邊爐🍲癮又會起，又會想去烚吓烚吓。今晚佢地就嚟到大圍既十二少海鮮刺身牛肉火鍋專門店火鍋🍲晚餐，止一止癮。
落單之後店員會送上調味料盤，調味料有一般既蔥花、辣椒🌶️粒、蒜蓉之外，仲有炸紅蔥頭絲，呢個強烈推薦要加落去，因為食落真係好香紅蔥頭既味道。
而今晚我地order咗：
🔆 下火芫荽🌿皮蛋鍋（$98）
作為芫荽控既為食妙妙選擇咗呢一款湯底，材料除咗大量既芫荽🌿、皮蛋之外，仲有馬蹄、紅蘿蔔🥕同粟米🌽，夠晒清熱下火。先試一啖湯底，芫荽🌿味都幾濃再加上馬蹄、紅蘿蔔🥕同粟米🌽既清甜，用嚟打邊爐🍲唔怕熱氣。
🔆 手打三寶丸（$98）
包括有鯪魚球、蝦🦐丸同埋墨魚🦑丸，全部都係餐廳自己手打既。鯪魚球加咗蝦米入去，食落香口；蝦丸彈牙有蝦味；墨魚丸同樣彈牙好食。
🔆 極品雪花箱降牛（$218）
牛肉既油脂分佈平均，輕灼十秒左右，入口肉質軟腍，油香豐富，肉味唔算好濃不過雪花牛就係要食佢腍滑既質感。
🔆 脆鯇骨腩（$68）
入口新鮮，配皮蛋芫荽湯底真係好夾，灼過之後肉質爽脆，即使厚切都唔會覺得魚肉死實。
🔆 牛脷芯（$78）
比一般牛脷厚切，入口爽口彈牙，厚切食落比較有咬口，唔錯👍🏻。
🔆 南非🇿🇦鮑魚（$88）
洗得好乾淨，白雪雪咁上枱，內臟已經清理好，就咁放入湯內煮就可以。食落彈牙又唔會韌，好食😋。
🔆 精選素菜拼盤（$58）
有粟米🌽、蕃茄🍅、娃娃菜同油麥菜，全部都新鮮、洗得乾淨。
🔆 金針菇（$38）
大大一碟，都係打邊爐🍲必叫既配料之一。
🔆 大大杯凍檸茶（$38）
真係好大既一杯，茶味夠又唔會太甜。
🔆 Hoegaarden（$68/500ml）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 材料新鮮，卡位坐得舒服
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車可考慮附近既錶位🅿️或者著名既富嘉花園🅿️地獄場🙈
👉🏻 大圍站行去餐廳大約10分鐘路程
🔆🔆🔆🔆🔆🔆🔆🔆🔆🔆🔆🔆🔆
張貼
