Hidden Table (已結業)

之前因為燒賣放題而得知呢間鋪頭，不過當時miss左，最近係紅磡食飯，經過見到，即刻去睇下! 呢到有好多款燒賣，蒸又有，炸又有。蒸特製豬肉燒賣比起出面食到既豬肉燒賣，相對冇咁油，不過我覺得個重點係佢個靈魂醬汁! 個汁好香濃，有少少花生醬味同蒜香，食落好開胃，好惹味。炸黑松露豬肉燒賣好香口，即叫即炸，熱辣辣。黑松露醬仲係另上，超濃味。呢到仲有好多款小食，叫左炸饅頭同埋cajun 巨型蟹柳。炸饅頭重點係配埋煉奶，炸得外脆內軟! 巨型蟹柳都好好食! 感覺呢到好岩夜晚黎食宵夜!