影片
更多
2018-04-06
47 瀏覽
今日同媽媽兩個黎銅鑼灣食晚飯，經過呢間見餐牌上嘅款式幾靚就入左黎食。我地去個日係閒日，唔洗等位就入得！一入到去係一名講日文嘅職員，佢唔識講廣東話，全間餐廳都係得2個職員，我地全程都係用身體語言溝通同落單。我地叫左個黑安格斯牛肉丼同鐵版牛肉定食。先講牛肉丼，黎到有d嚇親因爲真係好大碗，堆到好似小山咁，望落幾吸引，飯下有一大堆洋蔥，定食有一碗麵豉湯，配上少許豆卜絲。牛肉丼份量多，同媽媽一齊食，但牛肉有少許偏韌。至於鐵版牛肉定食，同樣有湯飲，牛肉有3款唔同種類，3款肉質都好好，有肉味，但每款只有3塊，有啲少，定食亦跟上3款不同調味，分別係淮鹽，黑椒洋蔥汁及wasabi，個人比較鍾意點醬汁，旁邊亦有洋蔥伴碟，真係一分錢一分貨。另外叫咗2杯嘢飲，檸檬梳打同烏龍茶，原本以為係手調用杯上嘅，但實質原來係罐裝！
一入到去係一名講日文嘅職員，佢唔識講廣東話，全間餐廳都係得2個職員，我地全程都係用身體語言溝通同落單。我地叫左個黑安格斯牛肉丼同鐵版牛肉定食。
先講牛肉丼，黎到有d嚇親因爲真係好大碗，堆到好似小山咁，望落幾吸引，飯下有一大堆洋蔥，定食有一碗麵豉湯，配上少許豆卜絲。牛肉丼份量多，同媽媽一齊食，但牛肉有少許偏韌。
至於鐵版牛肉定食，同樣有湯飲，牛肉有3款唔同種類，3款肉質都好好，有肉味，但每款只有3塊，有啲少，定食亦跟上3款不同調味，分別係淮鹽，黑椒洋蔥汁及wasabi，個人比較鍾意點醬汁，旁邊亦有洋蔥伴碟，真係一分錢一分貨。
另外叫咗2杯嘢飲，檸檬梳打同烏龍茶，原本以為係手調用杯上嘅，但實質原來係罐裝！
張貼
