The BASE nature (已結業)

今日放假入咗荃灣行街食飯，入荃灣真係好方便，無論係邊個區域都有交通工具好快就到，最緊要荃灣多商場同埋多美食，今日同朋友經過荃新天地，見到間西餐廳都幾吸引所以入去試吓。The BASE Nature , 地址喺楊屋道1號荃新天地一期 UG 70號舖,餐廳雖然唔係好大,但係裝修得好整潔,比到我一種好舒適嘅感覺,同朋友喺度傾偈食飯都幾舒服。墨汁帶子海鮮意大利飯 138 元，意大利飯賣相都幾吸引，墨汁意大利粉同帶子顏色剛剛相反，帶子入口味道鮮甜，廚師將帶子煎到啱啱好完全保留到應有嘅鮮味，意大利飯煙煙韌韌，吸收左墨汁同帶子嘅鮮味，味道層次都幾豐富。蟲草花黑松露米形粉 128元，第一次食米形粉，絕對係有驚喜，口感煙韌真係好特別，香濃嘅黑松露已經融入咗粉入邊，口感香滑，又有清新嘅蟲草花黑松露味，真係好好食。慢煮雞胸沙律 78元，雞胸用慢煮嘅方法炮製，肉質特別嫩滑，配埋沙律一齊食又清爽味道又香甜。，非常健康嘅一道菜朱古力脆脆蛋糕 88元，口感好幼滑，朱古力味道香濃，又唔會太甜，味道啱啱好，食完飯再加個甜品真係冇得輸雜莓夏洛特蛋糕 88 元，賣相相當吸引，入口味道香甜，真係好好食，呢款蛋糕我會推介俾朋友