阿里郎熱狗棒 (已結業)

經開旺角成日見到呢間外賣店都有人買來食，睇到店面幾特別，係以韓式炸熱狗棒為招牌，多達15款🌭另外仲有炸雞、Burger同飯卷！不過好可惜當日我地想食炸雞，無炸雞；想食炸雞Burger但因為無炸雞所以都無得叫呢款burger；想叫飯卷，無飯卷；就連想食既熱狗棒果幾款都無🥲 唯有試其他～.我地要左4款熱狗棒，店員用個大盒裝住，另附上數包茄汁同黃芥末醬，我地揀左：阿里郎(原味)、薯條鴛鴦芝腸、薯條同拉麵腸。主要其實係以香腸，裹上炸粉漿同唔同既配料然後油炸，所以整完即刻食就最香！薯條鴛鴦芝腸，食一口後有拉絲效果，芝士幾香，而薯條係粗格狀，點茄汁就最夾；而拉麵款即炸粉漿外鋪滿拉麵碎，口感脆脆地好得意。.另外我地仲點左烤牛肉餅漢堡同韓式炒粉絲，烤牛肉餅漢堡幾特別，有異於平常食到既牛肉漢堡，佢係牛肉碎加上大量洋蔥整成既牛肉餅咁，食落去爆汁juicy，而且洋蔥增加左香甜！而韓式炒粉絲都唔錯，幾大碗，粉絲好彈牙，加上大量蔥、韮菜同蘿蔔絲炒，醬汁帶微甜，好有口感！