雞駅花膠雞米線專門店

營業中

休息中

這次二人來食Early Dinner，大概17:45到，餐廳喺一樓，所以電梯好多人等都唔緊要，可以行樓梯上。因為早來到，所以空位較多，朋友話中午來食的話就會大排長龍。麻藥蛋麻油味好香，蛋黃部份比較熟，但都做到溏心效果。麻藥雞拌飯本來係想要麻藥雞拌麵但已沽清，配飯嘅效果就比較乾少少，醬油汁唔多，朋友係懶人，雞件有骨，佢話食得冇咁痛快。但係啲雞都係啖啖肉，而且肉質嫩滑。金磚豆腐上枱時熱辣辣，炸皮好薄，好食。