多毛 (已結業)

呢度係一間食物選擇好豐富嘅貓Cafe，唔止有小食，仲有主食，甜品，飲品，咩都有，真係可以喺度全日，食住美食，再同貓貓玩！試佐佢地既蜜糖芥茉醬芝士煙肉牛角包，一碟有兩件，牛角包入面有滿滿既芝士煙肉，配上香濃既蜜糖芥茉醬，酸酸甜甜，感覺無咁飽滯，更加開胃，牛角包本身都仲脆脆地，成個口感味道更加好！🤓佢地既巴馬火腿三文魚凱撒沙律都好值得一試，沙律菜都係火箭菜，西生菜等一啲貴價既沙律菜，而且好新鮮，口感爽脆，加上同樣高級既巴馬火腿同煙三文魚，仲有啲芝士碎，味道更加咸香，食下沙律健康啲，貓貓都想食添！🥸小食既脆炸魚柳手指薯條亦係唔錯選擇，魚柳好足料，唔會淨係得好厚既炸粉，魚肉結實而柔嫩，魚味好重，咬開果陣香味吸引埋啲貓貓過黎添，薯條亦唔會好油好淋，都係新鮮熱辣咁炸起，點啲茄汁咁食就最好食！😀主食就真係推薦青口龍蝦汁忌廉長通粉，展通粉完全吸收晒啲龍蝦汁，真係每喺都有龍蝦汁既濃烈甘香，青口大隻富有海水味，天然既咸鮮味，加埋啲雜菌忌廉，味道係更加豐富，真係香味四溢！🤤