影片
更多
2016-12-09
201 瀏覽
今日第一站大埔群記，第二站荔枝角，第三站沙田，第四站大圍，第五站大埔 baby，第六站富善，第七站八妹雞煲，幾時先可以返屋企休息呢？。依家 19:45 晚飯時間排晒長龍，前面仲有十張細檯呀，有排等喇 ﹗大門個職位空缺牌由裝修卦到依家都仲請緊人喎，係咪真係咁等人用呀？呆企 30 分鐘終於入坐喇 ﹗全場都迫迫夾，全場迷你二人檯，多過二人就張迷你檯合體囉。通道超級窄呀，肥少少都行唔到。生料選擇不太多，坊間雞煲店都是這樣吧，幸好有小量特別食材及海鮮供應啫。甚少會坐低堂食，幾乎次次都係外賣去對面 Baby 坐低食慢慢嘆。難得芭芭拉同寶珊陪我食雞煲，食飽飽先轉場飲野啦。由細到大我都頂唔住芫茜股濃烈氣味及味道的，直頭好似吸血僵屍聞到蒜頭一樣。但自從雞煲開到成行成市，我又經常幫襯，醬汁夠辣夠濃蓋過陣青味，漸漸接受得到，無以前咁大反應喇，不過仍然係入唔到口架。痲辣雞煲半隻大辣，侍應阿姐多次跟各食客強調雞已熟可以即刻食，感覺好似催促快快食完埋單還檯咁款囉 ﹗味菜唔滾多十幾廿分鐘根本未出味，雞件又未入味，汁又未收乾變得濃郁。大家千萬要耐心等候，千奇唔好急住食呀 ﹗要再滾耐一點，讓洋蔥、芫茜、大蒜有足夠時間熟
呆企 30 分鐘終於入坐喇 ﹗全場都迫迫夾，全場迷你二人檯，多過二人就張迷你檯合體囉。通道超級窄呀，肥少少都行唔到。生料選擇不太多，坊間雞煲店都是這樣吧，幸好有小量特別食材及海鮮供應啫。甚少會坐低堂食，幾乎次次都係外賣去對面 Baby 坐低食慢慢嘆。難得芭芭拉同寶珊陪我食雞煲，食飽飽先轉場飲野啦。
由細到大我都頂唔住芫茜股濃烈氣味及味道的，直頭好似吸血僵屍聞到蒜頭一樣。但自從雞煲開到成行成市，我又經常幫襯，醬汁夠辣夠濃蓋過陣青味，漸漸接受得到，無以前咁大反應喇，不過仍然係入唔到口架。
痲辣雞煲半隻大辣，侍應阿姐多次跟各食客強調雞已熟可以即刻食，感覺好似催促快快食完埋單還檯咁款囉 ﹗味菜唔滾多十幾廿分鐘根本未出味，雞件又未入味，汁又未收乾變得濃郁。大家千萬要耐心等候，千奇唔好急住食呀 ﹗要再滾耐一點，讓洋蔥、芫茜、大蒜有足夠時間熟透散發出香味，等雞件索汁入味先好食 ﹗
痲味辣味越滾越突出，香噴噴啊 ﹗讓雞件在辣汁上舞動一翻，沾上大量辣汁熱騰騰掉入口，好爽又好刺激呀 ﹗麻味比辣味強，舌尖到嘴脣都痲痲、震震的，好鬼 high ﹗味道香辣無窮，香料味豐富不單調，真材實料無搵笨。強辣中帶點含蓄甜味，雖是雪藏雞無雞味，但每條纖維都已被濃濃醬汁所支配，每口爆汁 ﹗雞肉嫩而滑，結實而彈，都的不錯 ﹗
痲辣雞煲半隻小辣，雞煲唔辣唔好食，中辣就剛剛好喇。不過朋友仔吃不消，唯有叫多煲食小辣啦 ﹗微辣而不痲，甜味較重，味道可口。翠榮您有對手喇，仲要好棘手添呢 ﹗不過大家各有風格，八妹要多汁嫩滑麻麻、翠榮要乾爽香口辣辣。
痲辣豬耳，微微辣又微微痲，味道還可以，沒什麼等別。軟骨十分爽脆，豬皮彈彈膠膠，得意的口感。痲辣拍青瓜，味道好單調，油味重而泛著微麻微辣，青瓜爽脆清香，無特別。
日本廣島蠔，無洗過依然黑炆炆，而且入晒雪，好明顯直接冰箱捉出黎啦。暫時食過多間港式火鍋店既廣島蠔都有點腥腥地架喎，八妹都不例外。又要出同一招數，慢慢浸到入味，讓辣汁蓋過腥味，得左 ﹗肥美脹卜卜，蠔味濃濃又多汁，但腥味還在。
棒球貢丸，最初以為係新加坡魚蛋，巨形魚蛋喎 ﹗睇極都唔似，查詢之下原來係特大棒球貢丸，我地係劃新加坡魚蛋，係貢丸囉。既然黎錯就算數，費事行黎行去。淨豬肉貢丸無香菇囉，味道同質感都跟紮肉一模一樣，大而無當，一試無妨。
萵筍，乃是油麥菜的莖部，必食推介 ﹗味道跟痲辣汁超夾，越食越想食，一片接一片食到唔停口呢 ﹗鮮爽甜美無渣又多汁，爽既時候似筍，沾上甜甜痲辣汁就更加美味。我較喜歡食腍的，腍既時候似瓜，浸耐一點吸盡醬汁，好鬼正。兩種食法同樣可口宜人，我非常欣賞。
手切本地肥牛，又唔係牛頸脊，只得十多片收成百六蚊？離譜左喎。黎幫襯多次都好少叫牛食，見係朋友仔第一次黎試就叫碟牛食下啦。不過不失啦，普普通通。顏色無光澤，薄切滑溜不硬不韌，口感還可以。微微清淡的牛肉味道，但鬼死咁多不均勻肥膏，難得原汁原味無人手加工，滿意。
我最愛即日屠宰未經雪藏既新鮮牛頸脊，超級好味道 ﹗超級油潤、顏色嫩紅帶光澤，味道鮮甜多汁、牛味特濃、質感彈牙有趙口，現時唯止只發現翠榮雞煲間中都有如此靚牛乍。
美國桶蠔，幫襯八妹多次，已知道肥牛及海鮮都唔多得架喇，海鮮最安全就係桶蠔。大大隻，肥嘟嘟，滑溜溜，一咬爆汁，蠔味香濃出眾勁鮮甜，熱辣辣好好味。不過裙邊位及帶子位又韌又有渣，要全部吐掉呢。
水魷，我從來未叫過水魷打邊爐，試試先。配痲辣汁食又幾正喎，爽脆又帶點嚥韌，夾起仲要彈下彈下，食落好有魷魚味，good ﹗田雞，完全唔新鮮，肉質腍劈劈，味道死實無鮮味 ﹗一夾肉散，好似黃花魚肉咁碎晒。
雞子，又係雪藏火雞子，唔係本地新鮮雞子，味道差天共地啦。好過無，照食。痲辣汁夠香夠濃可以蓋過雪味腥味，一咬爆汁，皮脆肉嫩，合格。芭芭拉同寶珊都唔食雞子，真係唔識貨，益晒我 ﹗
豬紅，不可以灼灼就食，唔好食的。要非常有耐性等，慢慢浸、慢慢炆，讓豬紅完完全全、內內外外吸盡辣汁，再小心翼翼地品嚐，不要被爆出既熱汁灼傷嘴仔啊。豬紅已炆得微微收緊，係機會喇飛雲 ﹗一咬滑不散，味道香辣帶甜，汁液四射，不腥不嗅，好味喎。新聞話豬紅不是純豬血呢，批發商有混入牛血使到質感及味道更好，而且豬血一向都非常缺貨呢。
萵筍，乃是油麥菜的莖部，必食推介 ﹗味道跟痲辣汁超夾，越食越想食，一片接一片食到唔停口呢 ﹗鮮爽甜美無渣又多汁，爽既時候似筍，沾上甜甜痲辣汁就更加美味。我較喜歡食腍的，腍既時候似瓜，浸耐一點吸盡醬汁，好鬼正。兩種食法同樣可口宜人，我非常欣賞。
響鈴，即叫即炸？又可能係真喎，油淋淋反晒光既，都幾搞笑。掉落個煲洗洗去先，拖一拖十分鬆化，不過油味濃濃呢。我都係鍾意浸腍先食，好似食生根一樣，索晒辣汁勁刺激，好 high 啊 ﹗
白鱔片，跟水魷一樣係我好少 order 既食材，因為大多唔夠新鮮，質感腍劈劈呢，八妹都不例外，腍劈劈唔好食。如果自己新鮮係街市即買，灼完之後既肉質理應非常彈牙又實淨架，咬落仲肉汁豐富添。
痲辣雞煲半隻大辣
34 瀏覽
0 讚好
0 留言
痲辣雞煲半隻大辣
18 瀏覽
0 讚好
0 留言
痲辣雞煲半隻大辣
20 瀏覽
0 讚好
0 留言
痲辣雞煲半隻小辣
6 瀏覽
0 讚好
0 留言
痲辣豬耳
7 瀏覽
0 讚好
0 留言
日本廣島蠔
19 瀏覽
0 讚好
0 留言
棒球貢丸
13 瀏覽
0 讚好
0 留言
痲辣拍青瓜
13 瀏覽
0 讚好
0 留言
萵筍
8 瀏覽
0 讚好
0 留言
田雞
19 瀏覽
0 讚好
0 留言
手切本地肥牛
18 瀏覽
0 讚好
0 留言
美國桶蠔
10 瀏覽
0 讚好
0 留言
水魷
5 瀏覽
0 讚好
0 留言
雞子
19 瀏覽
0 讚好
0 留言
豬紅
3 瀏覽
0 讚好
0 留言
響鈴
16 瀏覽
0 讚好
0 留言
白鱔片
4 瀏覽
0 讚好
0 留言
張貼
