雞翼山 (T.O.P This is Our Place)

營業中

休息中

雞翼山提供超過6款口味既炸雞翼，有時候會推出期間限定口味，搞搞新意思。除左雞翼外，仲有香口炸物、大大杯飲品、飯類等，當係正餐主食或者小食都一樣冇問題。鋪頭有少量位置供食客用餐及打卡，而外賣袋及紙盒則有特色，外賣食都好方便。正因為要不顧儀態食雞翼，每人都會提供手套，咁就可以啃骨，食到每隻雞翼都乾乾淨淨。三重芝士雞翼，雞翼即叫即炸，即場加入所屬既口味再炒，所以要等大約10-15分鐘。雞翼隻隻都好肥大，肉厚，咬開好多汁，而且雞皮好香口及脆，完全唔會乾身。芝士粉鹹鹹地，而芝士醬增加鹹香口味，但唔會覺得膩。山葵蟹籽雞翼，較為少見既口味。山葵醬滑身，但唔會好嗆鼻，反而愈食愈開胃，因為清新。蟹籽咬開卜卜脆咁，配搭新穎又好食。鋪頭除左主打雞翼，雞類小食都烹煮得有水準。黃金雞球($38)，雞球啖啖肉大大件，而且肉汁一樣鎖住係雞肉內。炸粉薄，脆口，同埋冇出油既情況，值得讚。鹹蛋黃香口，味道濃郁，拌得均勻。整體，難得炸雞翼炸到出神入化，做到雞翼juicy及脆，但咁多隻，都唔會覺得熱氣。當正餐/小食都一樣一流。