釜之魂釜飯專門店 (淘大商場) (已結業)

淘大商場個位雖然有少少難搵，但因為朋友話見過呢間店之前大排長龍，於是放工特登去試一試。等左幾張枱就有位lu，店內都幾多位，不過要搭枱就有少少迫。餐牌價錢大多都好平民化，我地最後order左似乎係枱枱食客都有嗌嘅鰻魚飯，仲有牛舌飯。落完單後等左好耐，大概都有二十分鐘先有得食，呢點係唯一對餐廳失望之處，不過都體諒是晚人客真係好多嘅。至於野食絕對冇令我失望，飯係用窩上，所以好夠熱，飯用上珍珠米，煮得好香。鰻魚同牛舌份量正常，鰻魚夠厚但比較多骨，牛舌亦夠冧，兩款飯淋上份量恰好同味道唔錯嘅汁，令我地呢餐晚飯都食得好開胃