影片
更多
2021-03-23
1464 瀏覽
泰式生蝦刺身配泰式辣汁生蝦上邊有小塊嘅蒜蓉、辣椒，點埋辣醬一齊食十分之惹味。總共有十隻，分量合理，一班朋友一齊嚟食，每人有一兩隻作為appetizer 開下胃，其實都唔錯。暴龍比薩呢個Pizza係薄底薄邊pizza，唔會話有好大條麵包邊。啖啖都食到佢嘅材料，材料包括芝士、辣肉腸、香腸等等。如果你想追求一啲刺激嘅口感，我建議你點Tobasco 一齊食，果種辛辣完全吊出成個Pizza嘅精髓。法式香草煎焗羊架（寶雲酥）四支骨同羊架一齊上既配菜有蕃茄、蘆筍、蘑菇同薯角，伴以蒜蓉汁及薄荷醬。薄荷醬好似啫喱咁，點少少係羊架上面，可以癖腥之外，重有一清新味襯托一下羊既油脂香，十分平衡。羊架上面嘅寶雲酥十分酥脆，咬落去同肉既柔軟強烈對比。整體成個羊架口味平衡，唔會話太蘇，但又充滿肉香，一般人都食到。Waiter 話最近做緊promotion，主食7 折，套餐跟沙律同野飲，包括酒精類飲品。我就叫左杯1664 放鬆下。現場環境非常之有氣氛，有飛鏢桌球等等可以一班朋友一齊玩。加埋bar 檯。與其話呢一間係一間餐廳，我會話呢一間係間有野食嘅bar。收工落嚟chill 返兩杯， happy hour 重有折。一
泰式生蝦刺身配泰式辣汁
生蝦上邊有小塊嘅蒜蓉、辣椒，點埋辣醬一齊食十分之惹味。總共有十隻，分量合理，一班朋友一齊嚟食，每人有一兩隻作為appetizer 開下胃，其實都唔錯。
暴龍比薩
呢個Pizza係薄底薄邊pizza，唔會話有好大條麵包邊。啖啖都食到佢嘅材料，材料包括芝士、辣肉腸、香腸等等。如果你想追求一啲刺激嘅口感，我建議你點Tobasco 一齊食，果種辛辣完全吊出成個Pizza嘅精髓。
法式香草煎焗羊架（寶雲酥）四支骨
同羊架一齊上既配菜有蕃茄、蘆筍、蘑菇同薯角，伴以蒜蓉汁及薄荷醬。薄荷醬好似啫喱咁，點少少係羊架上面，可以癖腥之外，重有一清新味襯托一下羊既油脂香，十分平衡。羊架上面嘅寶雲酥十分酥脆，咬落去同肉既柔軟強烈對比。整體成個羊架口味平衡，唔會話太蘇，但又充滿肉香，一般人都食到。
Waiter 話最近做緊promotion，主食7 折，套餐跟沙律同野飲，包括酒精類飲品。我就叫左杯1664 放鬆下。
現場環境非常之有氣氛，有飛鏢桌球等等可以一班朋友一齊玩。加埋bar 檯。與其話呢一間係一間餐廳，我會話呢一間係間有野食嘅bar。
收工落嚟chill 返兩杯， happy hour 重有折。一間野就可以飲飽食醉，方便。
張貼
