Mee...lemongrass (將軍澳中心) (已結業)

星期日以為好多人出街食飯啦！咁呢間餐廳又唔使等位，入到去招呼都唔錯，環境都幾闊落，用咗呢一個電子落單嘅系統，出菜都幾快，呢個係欣賞嘅！我哋叫咗海南雞叻沙可以揀油面同米粉一齊，可以選胸同埋雞髀肉各一半，隻雞係滑嘅，好好味！可以揀油面同米粉一齊，選擇都幾多，另外叫咗個肉骨茶，都好似馬來西亞食嘅一樣，叫咗個厚切豬扒檬粉，正啊！我欣賞佢飲品方面可以揀水果茶，或者珍珠奶茶，我又會見到有人淨係入嚟買杯珍珠奶茶，咁應該都幾出色，咁又再可以加啲小食例如蝦餅、春卷咁，咁成個過程都係一個星馬泰食物嘅大滿足！價錢方面都係合理嘅，如果下次食我都會回頭食呢一間餐廳，大家都可以試吓啦！