時代冰室 (公主大廈) (已結業)

星期六第一次去食晩飯，同朋友叫咗個兩餸套餐$128試下，平時啲茶餐廳一係選湯或飲品，呢度湯同飲品都包，勁抵食。環境舒服，多卡位。中、西、印，兒童餐都有。叫咗薑葱霸王雞同蒸肉餅，肉餅上面有3隻鮑魚、菇粒同花膠。睇得出係用心製作，希望繼續保持水準，喺東區開多啲分店。餐牌真係勁多選擇，好多人配搭都好吸引。而且仲有特式飲品，淨係揀嘢食都揀咗好耐。暫時未見過一間咁多選擇嘅茶餐廳。第一次去就有驚喜，以後經過都會去。