龍手工涮涮鍋

營業中

休息中

凍又想打，熱又想打，係冇錯我係講緊打邊爐，香港人真係好鍾意打邊爐包括我， 今次來到粉嶺“龍手工涮涮鍋”想試佢自家手工野有幾掂。一座低媽咪就話要食胡椒蘿蔔花甲豬肚鍋，成鍋拎來入面滿滿的材料， 細心的侍應叫我地飲碗湯先慢慢食， 一飲胡椒味超香濃又唔太辣岩我， 豬肚夠爽， 花甲好鮮甜。愛吃牛的老豆，點了呢到個牛魔王， 上碟好靚，有齊哂我們喜歡的部位， 食到媽咪勁讚好，食完仲唔夠皮，另外加多左一大碟龍選手切Prime 肥牛， 睇見佢油脂分部咁好， 就知點解我地會order 份大啦另外仲叫左手打黑松露墨魚滑， 比佢心型圖案加哂分啦，墨魚滑咬落夠彈，咬多兩下有淡淡的黑松露香，而鮮菇貢丸都係自家制唔錯，仲有八吋皇帝蟹柳夠哂長。我知媽咪打邊爐一定要食菜，我叫左油麥菜和蜂巢豆腐，吸哂個胡椒湯。熟我嘅人就知我係炸魚皮怪，食親打邊爐必點，今次仲比我見到呢到有手工金沙魚皮，我緊係唔放過啦， 即叫即炸堅正每件魚皮都沾滿咸蛋黃。我地仲叫左天地一號蘋果醋和凍檸檬茶飲，媽咪老豆都好滿意呢餐話下次再來食。