Hero's Friday (已結業)

美式漢堡通常黎黎去去都係戈幾款，今次經過深水埗見到依間大排長龍嘅快餐店Hero’s Friday就相當有驚喜。裝修設計以美式英雄為主，特別一提係可以下載佢地嘅app咁就唔洗排隊咁哂時間啦。豬扒蛋班堡 $55好特別嘅係佢唔係用漢堡包，而係用班戟。班戟口感比較鬆軟同埋有牛油味。炒蛋亦都唔會overcooked，加上熱熔嘅芝士，好邪惡。跟餐仲可以揀牛油粟米/薯餅，而飲品就係汽水，可以加$3轉果汁。英雄炸雞 2件套餐 $55英雄炸雞成隻手掌咁大隻，外皮炸到金香，食落啖啖似、肉質鮮嫩多汁。套餐一樣會配上牛油粟米/薯餅同埋汽水。隊長漢堡 $76材料超級豐富，除左厚切牛肉漢堡扒，仲有大大塊車打芝士、煙肉、蛋、生菜同埋蕃茄。牛肉漢堡扒唔會太熟，咬開好多肉汁。食完真係好滿足。