酒屋一杯喜

營業中

休息中

天后新開左間居酒屋， 氣氛好好， 好大間坐得好舒服，服務完會等我食完前菜先上下一道， 有少少Omakase 嘅日本風格。♡川海老唐揚 $68下酒菜一流， 細粒得黎好肥大， 炸得好脆，調味剛剛好。♡5品盛盒刺身 $268深海池魚、赤背、牡丹蝦、赤身、立魚刺身好厚好大片， 牡丹蝦同深海池魚最好食😋燒物♡ 月見雞肉棒 $68雞蛋好靚， 仲加左碗飯撈飯食一流 🤤 呢間白飯用無洗米，黏性重。♡厚切牛舌 $58夠厚好彈牙， 但只有3塊， 唔夠喉♡雞胸軟骨 $38我第一次睇所以嗌左串試下， 幾特別，比豬軟骨硬身， 連左少少雞肉♡天婦羅拼盤 $158蝦、茄子、蕃薯、辣椒、麵條天婦羅麵條第一次食，睇落好似裝飾估唔到食得♡雞肉丸野菜鍋驚唔夠飽叫左個鍋墊肚，入面好多菜，又可以用黎餸飯， 我覺得湯泡飯幾好食。