飯意冰室 (已結業)

呢間餐廳位於隱密的工廈地下，如果不是地頭蟲，幾乎就唔會留意到。而呢間餐廳係我第二次幫襯。第一次幫襯晚餐，今次就試吓下午茶啦！下午茶係兩點開始，選擇非常之多。我和男友不約而同地揀咗生炸雞脾呢個配搭。服務員話要等約15至20分鐘，由於我地唔趕時間，等吓都冇所謂啦。懷住期待嘅心情等食炸脾啦！等咗約10分鐘，服務員就送咗兩份餐過嚟喇，點知發現生炸雞脾變咗吉列炸雞脾，同我地平時喺其他茶記食開嘅炸脾有少許出入，而餐牌上又冇吉列炸雞脾呢個選項。心諗唔通大家對生炸雞脾嘅理解唔一樣嗎？算啦，照食！但係啲炸粉脆漿範圍太廣闊，切開隻雞脾嘅時候散滿一碟，而且雞脾很細隻，有點失望。。。。。