古早味原住台灣 (已結業)

今日路經尖沙咀，發現原來這裡都有間「古早味」（之前只幫襯過旺角這間）。台灣食品都是我杯茶，二話不說就上去食啦！正正是下午茶時間，當然都會叫返下午茶餐比較化算三個人就叫左三份餐，1. 古早牛肉牛筋麵，2. 大雞扒滷肉飯，3.古早滷排骨。飲品就叫左黑糖咖啡、仙草奶茶和黑糖珍珠奶茶。原來茶餐還可以半價加點小食，大食的我這家再加了鹽酥雞和鹽酥雞軟骨先講牛肉牛筋麵，湯底超濃，正正是我鐘意嘅湯底，牛肉牛筋都算多，兩者都非常軟滑，淋身，絕不痴牙大雞排滷肉飯，炸過嘅雞扒多汁唔嚡，加上滷肉令整碗飯就唔會覺得太乾。相比之下，滷排骨就失色一點了。排骨都一樣唔會太乾，可惜一點滷水味都沒有，乾身嘅排骨配上乾身嘅白飯就.......普通左鹽酥雞份量比效少，雞軟骨和鹽酥雞其實都炸得不錯，只是差了一點點味，口感淡淡的。而飲品其實都唔需要多講一定好甜，兩杯不知是否黑糖的關係，真的很甜（怕甜的可以叫少甜）仙草就正常少少以這地區、食物，價錢來說是不錯吧！