貴川風味館 (已搬遷) 新店位置

呢間酸辣米線係大學時期經常光顧，真係充滿回憶。價錢咁多件都沒有大幅增加，味道仍舊，所以都依舊十分旺場，晚市都要等一陣先有得食，所以今次一早六半就食晚餐。今次點了木耳雞肉蘿蔔酸辣米線！湯底上枱熱辣辣，碗碗新鮮即整！酸辣湯底十分惹味，最喜歡多酸小辣，入面有少少肉碎，令湯底更加濃厚。餸菜都十分闊綽，份量不少，十分滿意。木耳雞絲正常味道。蘿蔔十分入味清甜，必點！！$47咁大碗食到飽，又點可以唔再黎幫襯呢！