上海廳1930 (已結業)

今日同小胖女一家去食家庭飯,食返傳統中菜,黎左呢間上海廳,晚飯時間十分多人,都要等一陣先入到去,全部都係一家大細一齊食飯,先叫左兩個冷盤開下胃,蒜泥白肉同話梅花雕醉雞,最正應該係個雞,吸哂d酒味,又滑又多肉,跟住開始叫主食啦,黎到點會唔叫主顯菜式,小籠包同生煎包呢?先黎小籠包,最欣賞係夠多湯,未咬前記得先係個包頂吸哂D湯先,再慢慢咬入面黎食就最享受啦,生煎包亦都做得唔錯,如果個肉做得再多汁D就更好,熱食方面叫左一碗酸辣湯,擔擔麵同埋一個紅油牛肉麵,酸辣湯個酸度OK ,未試過既人去食都可以接受最有驚喜一定係個牛肉麵,D紅油,好辣,唔係咁食得辣既人要小心,但個種辣唔係食唔到既辣,可以接受的,擔擔麵份量十足,4人一齊分3碗野都非常夠,最後一定要食返個中式甜品啦,香蕉高力豆沙登場,係咩家伙呢?熱辣辣,咬落去軟綿綿,又甜甜地,入口味道似食緊梳化李咁唔試用文字表達,大家要去試一試