皇后餅店 (已結業)

是晚先去了吃麵, 因為頭髮事件, 文迪也吃不下去, 回家途中講講下, 就提議來這裡吃件蛋糕. 跟樓上那店不同, 這裡係全天候都係吃著相同的食物, 沒有晚餐的. 夜晚人客不太多, 坐得幾舒服. 散叫蛋糕也不便宜, 不如要個茶餐好了, 一位$80, 兩位係$140.Traditional Tea Set $140: 7分, 個餐係包自選西餅或乾餅, 自選迷你酥餅同埋咖啡/茶. 蛋糕都係去返蛋糕櫃都一人揀一件. Mango Mousse Chocolate Cake不錯的, 芒果味不會太酸, 加上有朱古力間一間, 口感豐富了點. King of Black Forest面頭的紅莓係酸到不得了, 係每吃一口也酸到入心, 看來是晚的紅莓的品質實在太差了, 連帶吃底下的黑森林蛋糕也沒有了那份甜味. 雖然叫做皇帝, 但係這個黑森林就唔係乜野皇帝級的水準了.酥餅只係細細件, 又真係幾迷你的, 幸好仲有件小小的三文治讓文迪頂肚, 不過凍凍的, 不太欣賞.夜了, 不要咖啡, 只要伯爵, 慢慢嘆, 傾下計, 又幾寫意的. 不過下次再來一定唔再要個乜野皇帝了.