西記粥店

營業中

休息中

收工出旺角搭通宵車，又有d肚餓，想食個經濟裝宵夜，西記幫到你。d食物又即叫即做，價錢又合理，我覺得味道對得住個價錢有多。另有炒粉麵，糖水，油器，湯飯等等，目測都係街坊同埋收工人士居多。食過幾次，生滾粥都幾好食。個炸兩抵食夾大件，可惜岩岩賣晒。今次整個豬雜麵＋腸粉都唔錯。咸菜豬雜麵料算多，豬雜又好食，咸菜有處理過，唔會死咸，不過記得叫個麵唔好煮咁淋......當我係冇牙阿伯咁。叉腸和和可可，合理味道，宵夜時段＋地點＋價錢，不作多求啦。兩樣加埋先$70。