影片
更多
2015-09-06
1124 瀏覽
今日6點半就去左食metal steak ,到11點男人已經開始話餓😂我地不概為宇宙黑洞，但佢扭扭捏捏左3個鐘先話落街食😒早d食咪好囉冇咁肥嘛😡佢成日都話七喜既鵝腸正，但搬左黎咁耐又唔見佢話黎食😅今晚試下啦。平時幾時都多人排隊，有時d台開到出門口，今晚好彩黎果時仲有位（坐左一陣已經爆）見到好多應該收夜既男人黎食少少野先番屋企，都有係幾個朋友食野吹水，環境就普通，台面都係水，成個餐牌都係😰掂都唔多想掂，姐姐們做到咁夜都仲算有禮，好過好多出面餐廳。男人既皮蛋瘦肉粥$26-佢話咁夜唔好食咁heavy wo（咁就咪食宵夜啦好心😒），佢係一個偏食鬼，但佢邊食邊讚d粥係佢鐘意果種，同出面粥鋪唔同（但明明唔覺得有咩特別😂）白焯鵝腸牛柏葉$58-我本人鐘意食肥腸，不過呢道都ok,好爽口，唔點豉油就真係完全冇味唔好食，有好多白菜響底😱整體正正正👍我既炸醬撈$33-堅係正，係好細個食到old school麵店先做到既炸醬麵，麵勁彈牙，炸醬味道岩岩好，d肉絲超冧，宵夜份量岩岩好，但平時淨係就可能唔夠食。豉椒炒蜆$60-又一經典，完全冇沙，平時大排檔食唔知點解永遠得殻，但呢道舊舊都痴住肉，個味道好好，好入味，
佢成日都話七喜既鵝腸正，但搬左黎咁耐又唔見佢話黎食😅今晚試下啦。
平時幾時都多人排隊，有時d台開到出門口，今晚好彩黎果時仲有位（坐左一陣已經爆）見到好多應該收夜既男人黎食少少野先番屋企，都有係幾個朋友食野吹水，環境就普通，台面都係水，成個餐牌都係😰掂都唔多想掂，姐姐們做到咁夜都仲算有禮，好過好多出面餐廳。
男人既皮蛋瘦肉粥$26-佢話咁夜唔好食咁heavy wo（咁就咪食宵夜啦好心😒），佢係一個偏食鬼，但佢邊食邊讚d粥係佢鐘意果種，同出面粥鋪唔同（但明明唔覺得有咩特別😂）
白焯鵝腸牛柏葉$58-我本人鐘意食肥腸，不過呢道都ok,好爽口，唔點豉油就真係完全冇味唔好食，有好多白菜響底😱整體正正正👍
我既炸醬撈$33-堅係正，係好細個食到old school麵店先做到既炸醬麵，麵勁彈牙，炸醬味道岩岩好，d肉絲超冧，宵夜份量岩岩好，但平時淨係就可能唔夠食。
豉椒炒蜆$60-又一經典，完全冇沙，平時大排檔食唔知點解永遠得殻，但呢道舊舊都痴住肉，個味道好好，好入味，送啤酒一流，好快比聲稱唔係好餓既男人清晒。
最後加埋2支可樂$8/支埋單正常價錢，以後有藉口成日食宵夜😂
好難得七喜過左咁多年同咁多間鋪都仲保持到水準。
張貼
