新光潮州菜館

營業中

休息中

今晚因為工作關係，好夜先走得，頭先晚餐都係求其食咗個麵。走嘅時候，收到兩個係銅鑼灣飲完野嘅朋友電話，話未飲夠想接埋我去食宵夜飲啤酒。宵夜飲啤酒即刻諗起潮州打冷，新光潮州菜館係我嘅首選！坐低即嚟兩支冰凍嘅藍妹，再點一份滷水鵝連骨，椒鹽白飯魚，蠔仔粥。滷水鵝連骨，鵝味會濃好多，啱晒送啤酒！椒鹽白飯魚，非常新鮮嫩滑，好惹味。蠔仔粥，蠔仔隻隻都唔細，粥底煮得好味，夠晒鮮甜。銅鑼灣區搵地方食宵夜，新光真係我嘅不二之選！