影片
更多
2022-02-04
860 瀏覽
記得有一次星期五放工同好姊妹快閃台北，去東區街頭買鹽水雞，邊行街邊拮黎食，真係特別有風味🤩。近期聽人地介紹，原來自己元朗都有一間人氣鹽水雞外賣店，search下openrice發現仲要係零負評小店，當然要去試一試啦🤓。 下午五點鐘去到，先知道原來鹽水雞得兩個時段有得賣，每日中午1點同下午6點先開賣，會提前半個鐘派籌，真係好巴閉😮。鹽水雞以外嘅野就冇時間限制，不過既然黎到，食唔到又唔心息，就等一等啦🥺。 5:30攞到第一個籌，到6點已經排左20幾個人,6:15左右就差不多買曬d雞了😳。排隊時店員會派紙仔，可以慢慢研究埋食咩~食物選擇都唔少，除左一人份雞套餐之外，仲有限量推出一隻/半隻雞套餐，調味可以自己選擇，每份都會用個靚靚密封手抽袋裝住，方便又衛生👍。另外仲有滷肉飯或者米粉、鴨血同十幾款配菜。 ❤ 鹽水雞獨享套餐（$47@）揀左兩個獨享餐，一個係雞胸+芋絲、青瓜同杏鮑菇，另一個係雞腿+芭樂、秋葵同百葉豆腐，小辣。一打開密封袋，就聞到好香嘅蔥油同麻油味，醃料包括蒜末、蔥花同鹽水等。雞肉全部都係新鮮即整嘅，所以比較嫩滑同juicy。 雞胸切成一口一粒咁，啖啖肉，小小辣味真係好開胃😋。雞腿就
下午五點鐘去到，先知道原來鹽水雞得兩個時段有得賣，每日中午1點同下午6點先開賣，會提前半個鐘派籌，真係好巴閉😮。鹽水雞以外嘅野就冇時間限制，不過既然黎到，食唔到又唔心息，就等一等啦🥺。
5:30攞到第一個籌，到6點已經排左20幾個人,6:15左右就差不多買曬d雞了😳。排隊時店員會派紙仔，可以慢慢研究埋食咩~食物選擇都唔少，除左一人份雞套餐之外，仲有限量推出一隻/半隻雞套餐，調味可以自己選擇，每份都會用個靚靚密封手抽袋裝住，方便又衛生👍。另外仲有滷肉飯或者米粉、鴨血同十幾款配菜。
❤ 鹽水雞獨享套餐（$47@）
揀左兩個獨享餐，一個係雞胸+芋絲、青瓜同杏鮑菇，另一個係雞腿+芭樂、秋葵同百葉豆腐，小辣。
一打開密封袋，就聞到好香嘅蔥油同麻油味，醃料包括蒜末、蔥花同鹽水等。雞肉全部都係新鮮即整嘅，所以比較嫩滑同juicy。 雞胸切成一口一粒咁，啖啖肉，小小辣味真係好開胃😋。雞腿就多數連皮嘅，雞皮唔肥而且爽口。
配菜方面，個人覺得最好味嘅係百頁豆腐，蜂巢組織索曬d汁，咬落入曬味而且水分十足，有爆汁感覺😚。另外，杏鮑菇厚肉爽脆，真係還原台灣夜市風味。芭樂亦都係比較特別嘅配料，本身嘅清甜味道同鹽水混合，原來又幾夾wo😮。
❤ 滷肉飯（小，$20）
一個人食份量真係好足夠，20蚊好抵~滷肉肥瘦適中，而且帶有少少膠質，又多汁，可以撈曬成碗飯。飯係用左珍珠米，比較有嚼勁。
❤ 肉燥米粉（小，$20）
D肉燥其實同滷肉飯係一樣嘅，用左新竹米粉。相比滷肉飯，個人就比較中意食呢個米粉，覺得更加容易令滷肉汁滲入，所以更入味😋。
整體而言，呢間鹽水雞小店無論係雞定係其他台式食物味道都唔錯，充滿台灣風味，而且價格好親民，經過的話不妨試下🏅。
張貼
