糖太子甜品 (已結業)

是咁的，油尖旺呢排好似開左好多野食,所以我就（微服出巡）出黎睇下有乜新野食,巡下巡下去到油麻地見到呢間糖太子，以為剩係食（糖）野，原來都有（Set癲），望下Manual又啱食喎，就行入去坐低。先黎餐湯同埋蒜蓉多士，羅宋湯好濃既茄味，朕乃蕃茄控，所以可以接受，但一般凡人可能覺得偏酸，多士好脆，一咬就爆了，脆到爆開了😂《煙三文魚伴茄醬天使麵》再重申一次，朕乃蕃茄控，所以呢個正中我口味，煙三文配蕃茄天使麵，三文魚煙勳味偏淡不夠，天使麵軟硬度適中，幾有咬口，（客觀角度黎講都是可以的）加埋小蕃茄同埋香草，都幾好味😁《紐西蘭西冷伴薯菜》我件西冷本身order左七成，在等待途中，隔離抬個兩個C9喺度吱吱喳喳，話佢件西冷太生唔夠熟，要求再煮，職員都好好，立刻拎返廚房再煮，但係已我目測件西冷起碼都有六七成熟，再煮咪Over😓諗到呢度我就覺得出事，我唔係擔心C9塊西冷，我係擔心我塊西冷，會不會一鑊熟埋呢，當塊西冷上枱，我一野据落去嗰一刻，我就知道我既擔心絕對係多餘既，我Order左七成，但係已我目測呢塊西冷最起碼都有97.25%係熟既，四捨五入，即係全熟😩不過件扒既質地都算軟，都仲食得下，唔會變左柴皮，味