影片
更多
2011-02-04
44 瀏覽
山頭火源自北海道旭川，在日本算係有啲名氣，所以早年登陸香港後，我曾在拉麵橫丁排長龍食過兩次，記憶中味道不過不失，但肯定無日本的好。後來山頭火分店開左幾間，本來已經再無意慾回頭，但今次無心插柳下回來，印象變得更無奈唏噓...呢度大部份嘅定食組合，都係一細碗拉麵加一細碗飯，形式跟油麻地橫綱類似，而且款式不算少。今次叫左鱒魚籽飯定食，配豬骨湯底拉麵($90)。價錢雖然唔算平，但我一直堅信一分錢一分貨呢個法則，所以仍投信心一票...定食送來後，心亦跟住一沉。先講拉麵，湯底唔夠熱先輸一章，味道略鹹，味精實在呼之欲出，扣晒分。麵質咬落較硬又唔彈牙，失望至極；叉燒食落唔算豐腴鬆化，整碗拉麵竟然無可取，失敗。鱒魚籽飯方面，飯粒觀其黏性，外型及聞其飯味，似乎唔係用日本米，加上蛋絲乾涸，魚籽唔夠新鮮，根本同港式日本食肆粗製濫造嘅魚籽飯無咩分別，感覺實在好差...另外點選左呢度嘅海鮮辣味冷麵($85)，賣相幾討好，只係份量略嫌較少。蝦肉，帆立貝味道雖然算唔錯，但辣味完全欠奉，加上麵質一般，總括來講都係果句「好睇唔好食」。今次到山頭火我竟然大發慈悲，連踩兩個地雷亦不識死，再多叫一份芥末豬頸肉($50)，希望填
呢度大部份嘅定食組合，都係一細碗拉麵加一細碗飯，形式跟油麻地橫綱類似，而且款式不算少。今次叫左鱒魚籽飯定食，配豬骨湯底拉麵($90)。價錢雖然唔算平，但我一直堅信一分錢一分貨呢個法則，所以仍投信心一票...
定食送來後，心亦跟住一沉。先講拉麵，湯底唔夠熱先輸一章，味道略鹹，味精實在呼之欲出，扣晒分。麵質咬落較硬又唔彈牙，失望至極；叉燒食落唔算豐腴鬆化，整碗拉麵竟然無可取，失敗。鱒魚籽飯方面，飯粒觀其黏性，外型及聞其飯味，似乎唔係用日本米，加上蛋絲乾涸，魚籽唔夠新鮮，根本同港式日本食肆粗製濫造嘅魚籽飯無咩分別，感覺實在好差...
另外點選左呢度嘅海鮮辣味冷麵($85)，賣相幾討好，只係份量略嫌較少。蝦肉，帆立貝味道雖然算唔錯，但辣味完全欠奉，加上麵質一般，總括來講都係果句「好睇唔好食」。
今次到山頭火我竟然大發慈悲，連踩兩個地雷亦不識死，再多叫一份芥末豬頸肉($50)，希望填補空虛。豬頸肉食落無芥末味，而且切得相當薄身，味道亦一般，以呢個價錢黎講，我覺得唔算太合理。如要將山頭火跟人氣拉麵店豚王相比，似乎唔太公平，但睇返其他俾豚王負面評價嘅人，好多都話味道不外如是，價錢昂貴，跟本唔值得去浪費時間排隊，更話味道連某某連鎖店都好食過佢。睇完之後真係好想叫果幾位朋友試下山頭火...呢餐晚飯後，我再一次肯定在香港要食到似樣嘅拉麵，唔係一件簡單易事。至於今時今日嘅山頭火，已令我心沉下去...唉！
張貼
