The Island Bar (已結業)

小朋友去遊學團, 正好讓我放假同老公去拍拖, 決定坐船同行山, 回味拍拖時的點點滴滴, 去到碼頭才決定去南丫島.沿住大街小巷慢慢閒逛了3個小時, 最後決定去這間The Island Bar食野, 主要原因是好配合優閒的感覺, 附近四枱都是在南丫島居住的外籍人士, 時間係晚上1800, 但正確來說, 是我們的午餐. 點左羊肉漢堡同炸魚拼薯條配啤酒, 啤酒好快就上枱, 但我覺得杯似apple cider多D, 甜甜地, 好易入口同容易會飲多左, 但酒精含量絕對唔低, 好在我一路都慢慢飲; 之後侍應就拿了一支茄汁, 一支果醋同一支甜辣醬上枱, 服務一流!食物等了一段時間, 有20分鐘吧, 羊肉漢堡好值得推介喇, 面包好軟熟, 生菜新鮮, 羊肉漢堡同D醬汁好夾味, 連伴碟的沙律菜都好抵讚, 配合果醋一絕!炸魚拼薯條就一般般喇, 薯條唔脆, 應該是貪方便, 薯條是室溫狀態下再拿去炸的(從冷藏庫拿出來直接炸的才脆是常識吧?!) 好在魚柳還脆, 配合甜辣醬非常好!坐outdoor一邊欣賞夜景, 一邊享受食物, 心情很愉快, 還可以看見碼頭呢!